【CRAZY分享】
香港有幾多人識欣賞跳舞？我以前都唔識，不過喺呢一年來叫做開始認識跳舞。上網睇下啲片，出街睇下啲showcases，又發現其實幾好睇，開始識欣賞。起碼我睇到一啲跳舞嘅片唔會即刻飛，偶爾都會想停低睇睇。
我覺得跳舞呢樣嘢一直喺外國都好hit。日韓嘅演藝發展包含咗好多跳舞嘅元素，好多偶像唔單止要能歌，仲要善舞，令好多年青人都有興趣學跳舞。喺美國呢啲國家更加係跳舞當飯食，係好多MV或者Vines入面都會睇到好多跳舞嘅片，甚至喺啲Vines入面佢哋一聽到音樂就會立刻跳舞。
不過喺香港，可能冇咁多人識得欣賞跳舞，儘管如此，有一班人都好用心一直學跳舞，喺呢個咁商業嘅地方出下奶力追求一下自己嘅興趣，如果好運，呢個興趣可能可以變成夢想。講真，所謂嘅跳舞歌手 而我不知道 或者係 喝茶 都未必能夠比上個一大撮熱心專注跳舞嘅人。
今日要分享嘅係班喺香港跳舞多年嘅年青人，佢哋叫 Chestnuts，排嘅係呢期好興嘅 What Do You Mean。我唔識跳舞，不過我覺得片中嘅舞幾好睇，起碼叫做齊，動作唔會經常重覆，剪接簡單不求其同埋有跟beat，呢分令兩分鐘我覺得都好好睇。
睇完呢啲自家製同排嘅跳舞片，我覺得香港嘅跳舞文化其實可以發展得更西利。不單止跳舞，如果香港可以支持更多本地發展，不再只顧商業，政府可以扔多啲錢支持本地嘅演藝運動「事業」就好了。
Search